ယခင်ခေတ်တွင် မြန်မာလူမျိုးများသည် အရည်အချင်းရှိသူများအနေဖြင့်လည်းကောင်း၊ စာရိတ္တကောင်းမွန်သောလူမျိုးအဖြစ် လည်းကောင်း ကမ္ဘာ့ထိပ်တန်း နိုင်ငံ့ခေါင်းဆောင်များမှ လက်ခံချီးမွမ်းခြင်းကိုခံခဲ့ရပြီး ကမ္ဘာ့အလယ်တွင် Burma ဟူသောအမည်သည် မျက်နှာပန်းလှခဲ့သည်။ 
ယခုစစ်အာဏာရှင်ခေတ်တွင် မြန်မာလူမျိုးများသည် ဒုက္ခသည် (သို့) ကျွန်ဘဝနှင့် သူများနိုင်ငံသို့မျက်နှာငယ်စွာဝင်ခဲ့ကြရသည်။ မြန်မာလူမျိုးများ၏ အခြေအနေသည် စစ်အစိုးရ၏ နှစ်ရှည် မတရားအုပ်ချုပ်မှုအောက်တွင် လူ့အဆင့်အတန်းပို၍ကျဆင်းသည်ထက် ကျဆင်းခဲ့သည်။ ယခု ကမ္ဘာ့ခေတ်လူငယ်အချို့တို့သည် Myanmar (သို့) ယခင်က Burma ကို သိပ်မသိကြတော့ပေ။ နိုင်ငံအသေးစားလားဟုပင် ပြန်မေးကြ၏။ သို့သော်မြန်မာနိုင်ငံနှင့်ကပ်နေသော ထိုင်း၊ လော၊ ကမ်ဘောဒီးယားကို သိကြလေသည်။ ဤသို့ ကမ္ဘာ့အလယ်တွင် မြန်မာနိုင်ငံနှင့် မြန်မာလူမျိုးတို့ သေးသိမ်သွားရသည်မှာ လွန်စွာနှမြောစရာကောင်းသည်။
စစ်အစိုးရဘက်မှ ဒီမိုကရေစီတောင်းဆိုသူများအား လိုက်လံဖမ်းဆီး သတ်ဖြတ်ပြီး ပြည်သူများ၏ လူ့အခွင့်အရေးနှင့်လွတ်လပ်မှုများကို ပိတ်ဆို့ ထားသည်မှာ လူသားချင်းစာနာမှုကင်းမဲ့သောလုပ်ရပ်များဖြစ်သည်။ စစ်အစိုးရမှ တိုင်းပြည်တိုးတက်ရန်
ကြိုးပမ်းနေသည်ဟုဆိုပြီး အဘယ်ကြောင့် ပြည်သူအများငတ်မွတ်နေရသနည်း။
စေတီပုထိုးများတိုးချဲ့ခဲ့၏ အဘယ်ကြောင့် ပြည်သူများကို ထောင်ချ သတ်ဖြတ်ပြီး ဘာသာရေးလွတ်လပ်မှုများကို ပိတ်ပင်တားစည်းနေရပါသနည်း။
မြန်မာ့ ယဉ်ကျေးမှုတိုးတက်စေရန်ပံ့ပိုးသည်ဟုဝါဒဖြန့်၏ အဘယ်ကြောင့် မြန်မာ အမျိုးသ္မီးပြည့်တန်ဆာများ တိုးများလာပါသနည်း။
မြန်မာနိုင်ငံ၌ ပြည်သူများအတွက် အလုပ်များကိုဖန်တီးပေးနေသည်ဟုကျော်ငြာ၏ အဘယ်ကြောင့် သူများနိုင်ငံတွင် မြန်မာရွှေ့ပြောင်းအလုပ်သမားများ များလာပါသနည်း။
ယခင် မြန်မာ ၁၀ တန်းကျောင်းသားများသည် အင်္ဂလိပ်စာကို ကောင်းစွာရေးနိုင်၊ ဖတ်နိုင်ခဲ့သည်။ စစ်အစိုးရခေတ်အဆက်ဆက်တွင် ၁၀ တန်းကျောင်းသား တက္ကသိုလ်ကျောင်းသားများ အင်္ဂလိပ်စာကိုကောင်းစွာမဖတ်တတ်၊ မရေးတတ်တော့ပေ။ အစိုးရအသုံးမကျလို့လား၊ ပြည်သူအသုံးမကျလို့ဘဲလား။
မြန်မာပြည်သူများ စီးပွါးရေးကျပ်တည်း၍ ငတ်မွတ်ပြီး သူများတိုင်းပြည်များတွင် တောင်းစားနေရသည့်ယခုခေတ်ကာလတွင် စစ်ခေါင်းဆောင်များ၏ မိန်းမများ၊ သ္မီးများတွင်စိန်တစ်ဝင့်ဝင့်၊ အိမ်ကြီး ကားကြီးများနှင့်စည်းစိမ်ပေါ်၌ စံစားနေကြသည်မှာ မည်သူတို့၏ အသက်နှင့် ဂုတ်သွေးကို စုပ်ထား၍ ချမ်းသာနေကြပါသနည်း။
ထိုစည်းစိမ်များ၌ ယစ်မူးနေကြသူများသည် ပြည်သူများ၏ ကျန်းမာရေးဆုတ်ယုတ်နေကြသည်ကိုမေ့လျှော့၍နေကြပြီးလား။
မြန်မာမီဒီယာများ အာဏာရှင် အလိုကျကိုသာဖော်ပြနိုင်ပြီး ပြည်သူများအား စွံ့အ နား မကြား ဖြစ်နေရသည်မှာ မိမိတို့ အာဏာရေရှည်တည်တံ့ရေးအတွက်တည်းလား။
အခြားတိုင်းပြည်များမှ နိုင်ငံရေးခေါင်းဆောင်များ၏ မိသားစုဝင်များမှာ တိုင်းသူပြည်သားများ၏ ပညာရေး၊ ကျန်းမာရေး၊ လူမှုရေးများ တိုးတက်စေရေး၊ တိုင်းသူပြည်သားချင်း ချစ်ကြည်ရေးများဆောင်ရွက်ကြသည်မှာ လွန်စွာဂုဏ်ယူစရာကောင်း၏။ မြန်မာစစ်အစိုးရ၏ ဆွေမျိုးသားချင်းများ ထိုကဲ့သို့တိုင်းပြည်အကျိုးဆောင်ရွက်ရန် အရည်အချင်းမရှိကြဘူးလား။ သို့မဟုတ် မိမိတို့စစ်အုပ်စု ကောင်းစားရန် လောဘများ ဖုံးလွှမ်းထားပြီလား .....
ဗိုလ်ချုပ်အောင်ဆန်းခေတ်က ပြည်သူချစ်သောတတ်မတော်၊ ယခုခေတ်တွေပြည်သူအော့နှလုံးနာ၍ စစ်ခွေးဟုအခေါ်ခံရသူများ တစ်နေ့ ပြည်သူချစ်သော တတ်မတော်သားများ ပြန်ဖြစ်နိုင်ပါစေ။
ရောင်ခြည်ဦး
No comments:
Post a Comment